ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ და მაქს ვებერის ფონდის საქართველოს ფილიალის ხელმძღვანელმა ანდრეას ჰილგერმა სამეცნიერო-კვლევითი საქმიანობის გაძლიერებისა და ხელშეწყობის მიზნით, ურთიერთთანამშრომლობის მემორანდუმს მოაწერეს ხელი.
მემორანდუმი ითვალისწინებს ორმხრივი ინტერესის სფეროებში ერთობლივი კვლევებისა და საგანმანათლებლო საქმიანობის, ასევე აკადემიური პერსონალისა და სტუდენტების კვლევების ხელშეწყობას, ცოდნის გაზიარების წახალისებას ლექციების, კონფერენციების, სემინარებისა თუ სიმპოზიუმების საშუალებით, სასწავლო სახელმძღვანელოებისა და კორპუსების გამოცემის მხარდაჭერას, სპეციალური მოკლევადიანი აკადემიური პროგრამების განხორციელებას.
შეხვედრას თსუ რექტორის მოადგილე ერეკლე ასტახიშვილი, თსუ იურიდიული ფაკულტეტის დეკანის მოადგილე გიორგი დგებუაძე, პროფესორი პაატა ტურავა და აკადემიური პერსონალი ესწრებოდა.
